Боз 376 нафар муҳоҷирони кории осебпазири тоҷик, ки дар шароити душвор қарор доштанд, аз Қазоқистон ба ватан баргардонида шуданд, хабар медиҳад маркази матбуоти Созмони байнулмилалии муҳоҷират (СБМ) дар минтақаи Осиёи Марказӣ.
Муҳоҷирони тоҷик рӯзи 1 декабр аз гузаргоҳи Жибек-Жоли бо мусоидати СБМ дар ҳамдастӣ бо мақомоти ҳокимияти давлатӣ ва диаспораҳо ба ватан фиристода шуданд.
“Одамон бо умеди гузаштани қаламрави Ӯзбекистон ва расидан ба сарҳади Тоҷикистон дар Ойбек (вилояти Суғд) аз ноҳияҳои гуногуни Қазоқистон ба ин гузаргоҳ омада буданд, - қайд мешавад дар торнамои Созмон. - Бархе аз онҳо барои омадан ба Чимкент аз Қарағанда, Павлодар, Петропавловск қариб 30 соат вақт сафар намуда, боз 1400 километр роҳро то расидан ба сарҳад тай карданд”.
То имрӯз СБМ барои ихтиёрӣ ба ватан баргаштани 3 ҳазор муҳоҷири тоҷик кумаку мусоидат намуд.
Ба гуфтаи яке аз ин муҳоҷирон, ӯ дар Қарағанда бе сарчашмаи даромад монда, фаъолияти корӣ коҳиш ва бозорҳо баставу талабот ба сохтмон ва хизматгузорӣ кам шудааст ва дар натиҷа бо душворӣ рӯз мегузаронидааст.
Ҳамчунин гуфта мешавад, кумаки мустақим ба туфайли кӯшишҳои муштараки Вазорати корҳои хориҷӣ, сафорат ва департаментҳои хадамоти муҳоҷирати Қазоқистону Тоҷикистон ва Ӯзбекистон муяссар гардида, аз ҷониби ташаббуси минтақавии СБМ “Коҳиши таъсири оқибатҳои иҷтимоиву иқтисодии пандемияи COVID-19 ба муҳоҷирон ва ҷамъиятҳо дар Осиёи Марказӣ ва Русия”, ки аз ҷониби Агентии Швейтсария оид ба рушд ва ҳамкорӣ (SDC) маблағгузорӣ мешавад, дастгирӣ ёфт.
СБМ ният дорад, ки ба кумаку мусоидат ҷиҳати ба ватан баргардонидани шахсони эҳтиёҷманд идома дода, онҳоро аз фазои холӣ (вакуум)-и ҳуқуқӣ, ки бар асари пандемия дар он қарор гирифтанд, раҳо созад.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
“Сол аз сол гарон мешавад”. Сокинони Душанбе барои либос ва лавозимоти мактабӣ имсол чанд пул харҷ карданд?
Баъди нашри матлаби “Asia-Plus”, директори Театри Камоли Хуҷандӣ гуфт, саркоргардон бо хоҳиши худ аз вазифа озод карда шуд
Аз агрегати чоруми НБО “Норак” то корхонаи равғанбарорӣ. Эмомалӣ Раҳмон дар шаҳри Норак боз кадом иншоотро ифтитоҳ кард?
Сафи муаллимон аз Русия дар мактабҳои Тоҷикистон зиёд мешавад
Дар пайи мушкили вуруди муҳоҷирон ба Русия, Сафири Тоҷикистон бо консулҳои генералӣ вазъро баррасӣ кард
Дар Душанбе аз 1 сентябр шумори нақлиёти ҷамъиятӣ зиёд мешавад
Боздошти 3 ронандаи маст дар Душанбе давоми 1 шабонарӯз
Оё рақамисозии бахши кишоварзӣ бидуни Интернет имконпазир аст?
Пас аз таҷдид, агрегати чоруми НБО “Норак” ба истифода дода шуд
“Аудиокитоб” бо Субҳон Ҷалилов. Маснавии маънавӣ. Ҳикояи “Ҳамлаи саг ба кӯри гадо”
Кулли ахбор
Авторизуйтесь, пожалуйста