Дар пайи имзои амри Владимир Путин, раисҷумҳури Русия оид ба сафарбаркунии ҳайати захираҳои ҳарбӣ, ки он ба тоҷикони дорои душаҳрвандӣ (Тоҷикистон ва Русия) низ дахл дорад, Сафорати Тоҷикистон дар Русия ба шаҳрвандони Тоҷикистон ҳушдор дод, ки иштирок дар амалиёти ҷангӣ дар қаламрави давлатҳои хориҷӣ, тибқи қонунҳои Тоҷикистон, ҷиноят аст.
Дар изҳороти ин ниҳод, ки имрӯз, 22-уми сентябр, як рӯз пас аз имзои амри раисҷумҳури Русия нашр шуд, гуфта мешавад, ки “Сафорати Ҷумҳурии Тоҷикистон дар Федератсияи Россия ҳамватанонро ҳушдор медиҳад, ки аз иштирок дар амалиёти ҷангӣ дар қаламрави давлатҳои хориҷӣ худдорӣ намоянд, зеро мутобиқи Кодекси ҷиноятии Ҷумҳурии Тоҷикистон барои ин амал ҷавобгарии ҷиноятӣ пешбинӣ шудааст”.
Ин ниҳод афзудааст, шаҳрвандони Тоҷикистон барои гирифтани маълумоти бештар метавонанд ба сафорат ва консулгариҳои Тоҷикистон дар шаҳрҳои Екатеринбург, Новосибирск, Санкт-Петербург ва Уфа муроҷиат кунанд.
Гуфтан ба маврид аст, ки қаблан сафоратҳои кишварҳои дигар, аз ҷумла сафоратҳои Ӯзбекистон ва Қирғизистон дар Русия аз шаҳрвандони худ хоҳиш намуданд, ки аз иштирок дар муноқишаҳои давлатҳои дигар худдорӣ намоянд.
Ёдовар мешавем, ки дирӯз, Владимир Путин дар Русия қисман сафарбаркунии ҳайати захираҳои ҳарбиро эълон кард, ки тибқи он 300 ҳазор нафар ба сафи артиши ин кишвар ҷалб мегардад.
Дар баробари ин, Думаи давлатии Русия тарҳи қонунеро қабул кард, ки тибқи он шаҳрвандони хориҷӣ метавонанд бо адои хидмат дар сафи артишиин кишвар, дар як сол, бо тартиби соддакардашуда, шаҳрвандии Русияро соҳиб шаванд.
Дар робита ба ин, бино ба навиштаи сомонаи расмии ҳукумати шаҳри Маскав, дар Маркази муҳоҷирати Сахарово барои қабули шаҳрвандони хориҷӣ ба хизмат дар сафи артиши Русия зерсохтори мукаммали мусоидати Вазорати мудофиа роҳандозӣ шуд.
Идомаи сафари Қоҳир Расулзода ба Эрон. Ширкат дар ҳамоиши иқтисодии Баҳри Хазар ва мулоқот бо муовини аввали раисҷумҳури Эрон
“Бозбинӣ ва озод кунед”. Вакилони дифои Шокирҷон Ҳакимов ва Рухшона Ҳакимова аз болои ҳукми Додгоҳи олӣ шикоят бурдаанд
Варзишгарон ва муррабиёни беҳтарини соли 2024 маълум шуданд. Онҳо кистанд?
Коршиносони СММ: дар Афғонистон зиёда аз 20 гурӯҳи террористӣ мустақаранд
Фейк | “Муҳаммадсобир Файзов шартнома баста, ба ҷанги Украина меравад”
Чӣ симои пойтахтро коста мекунад?
Оғози музокироти Амрико ва Русия дар Риёз. Поёни ҷанг дар Украина дар меҳвари музокира хоҳад буд
Ҳар лаҳза аз нӯшокиҳои “АРК Саноат” лаззат баред
Ба 46 варзишгари тоҷик ҷоизаи президент дода шуд. Онҳо кистанд ва чӣ қадар мукофотпулӣ гирифтанд?
Хадамоти алоқа барои қабули арзу шикоят оид ба сифати алоқа ва интернет Маркази тамос таъсис дод
Кулли ахбор
Авторизуйтесь, пожалуйста