Раиси Ҳизби Русияи боадолат гуфтааст, ки тирамоҳи меомада дар Русия вобаста ба мушкилоти Афғонистон мизи мудаввар баргузор мешавад.
Аҳмад Масъуд, раҳбари Ҷабҳаи муқовимати миллии Афғонистон рӯзи 28-уми август дар Думаи давлатӣ дар Русия бо Сергей Миронов, раиси Ҳизби “Русияи боадолат – Барои Ҳақиқат” (Справедливая Россия) мулоқот кардааст. Дар ин бора сомонаи расмии Ҳизби Русияи боадолат хабар медиҳад.
Ба гуфтаи манбаъ, дар ин мулоқот вазъи сиёсии Афғонистон ва роҳҳои имконпазири ҳалли мушкилоти он баррасӣ шудааст.
“Дар Русия ба соҳибихтиёрӣ, истиқлолият ва тамомияти арзии Афғонистон эҳтиром ва арҷ гузошта мешавад. Мо бар он ақида ҳастем, ки мардуми ин кишвар бояд ояндаи худро худашон муайян кунанд”, - гуфтааст Сергей Миронов.
Миронов таъкид кардааст, ки “Афғонистон набояд ба ҳеҷ ваҷҳ майдони ҳар гуна ормонҳои геополитикии кишварҳои сеюм гардад”.
Аҳмад Масъуд гуфтааст, ки дар замони ҳукмронии Толибон* вазъи сиёсии Афғонистон бадтар шуда, созмонҳои террористӣ зиёд ва қочоқи маводи мухаддир ривоҷ ёфт ва ҳуқуқи мардум ҳам поймол гардид.
“Агар дар шароити кунунӣ дар Афғонистон ҳукумате таъсис наёбад, ки ба манфиати халқҳои муқими ин кишвар амал кунад, агар маводи мухаддир боздошта нашавад ва бо созмонҳои террористие, ки дар ин кишвар мавҷуданд, мубориза бурда нашавад, Афғонистон метавонад, ба бомбаи дар ҳоли омода ба инфиҷор табдил ёбад, ки ҳар лаҳза метавонад таркад”, - гуфтааст Аҳмад Масъуд.
![](https://asiaplustj.info/sites/default/files/articles/328525/%D0%A0%D1%83%D1%81%D0%B0%D0%B4%D0%BE%D0%BB%201.jpg)
Сергей Миронов аз номи ҳизбаш дар парламенти федералӣ ба Аҳмад Масъуд изҳори дастгирӣ кардааст.
Ӯ инчунин гуфтааст, ки тирамоҳи соли ҷорӣ дар Думаи давлатӣ бо ширкати Аҳмад Масъуд мизи мудаввар ташкил шуда, ба баррасии мушкилоти Афғонистон равона мешавад.
*Дар Тоҷикистон гурӯҳи террористӣ эътироф шудааст.
Ҳар он чи дар Афғонистон рух медиҳад, метавонед мустақиман дар сужаи мо - Афғонистон бихонед.
“Ба соҳаи кишоварзӣ сабукиҳои андозӣ татбиқ ва муҳоҷират танзим шавад”. ҲАТ бо чӣ барнома вориди корзори интихоботӣ мешавад?
Субҳ ба хайр, Тоҷикистон! Як рӯз дар таърих, зодрӯзи шахсиятҳо, вазъи ҳаво барои 16 феврали соли 2025
Аз ҳисоби пешниҳоди имтиёзҳои андозӣ буҷети кишвар аз миллионҳо сомонӣ маҳрум шуд
Дар Тоҷикистон смартфони HONOR X8c муаррифӣ шуд
Субҳ ба хайр, Тоҷикистон! Як рӯз дар таърих, зодрӯзи шахсиятҳо, вазъи ҳаво барои 15 феврали соли 2025
“Ғоратгарӣ ва куштани соҳибхонаҳо”. Додситони кул ангезаи кушторҳои пайдарпай дар Конибодомро шарҳ дод
Додситонии кул ҳадафи ҳамлаи террористӣ ба мошини раиси ҲХДТ дар Кӯлобро шарҳ дод
Тоҷикистон барои бунёди НБО "Роғун" ба маблағи 812 млн доллар созишнома имзо кардааст
Ошӯб дар зиндони Ваҳдат. Додситони кул гуфт, ки сардори зиндон захмӣ шудааст
Додситони кулли Тоҷикистон гуфт, соли гузашта Русия беш аз 30 ҳазор муҳоҷири тоҷикро “бозпас фиристод"
Кулли ахбор
Авторизуйтесь, пожалуйста