Вазорати нақлиёти Тоҷикистон ва Агентии рушди байнулмилалии Корея (КОIСА) дар бораи оғози гуфтушунидҳо ҷиҳати таҳияи заминаи техникиву иқтисодии лоиҳаи сохтмони роҳи оҳани “Ҷалолиддини Балхӣ - Панҷи Поён” протокол ба имзо расониданд.
“Ҳадафи аслии лоиҳаи мазкур роҳ ёфтан ба бозори кишварҳои Осиёи Ҷанубӣ (Афғонистон, Покистон, Ҳиндустон) аст”, - изҳор дошт вазири нақлиёти Тоҷикистон Азим Иброҳим.
Ба гуфтаи ӯ, роҳи оҳани пешбинишуда ба таъмини рушди савдои минтақавӣ, дар ҳолати хуби коршоям нигоҳ доштани роҳҳои автомобилгарди сохташуда, камшавии сарборӣ ва тезонидани суръати ҳаракати воситаҳои нақлиёт дар роҳҳои мошингард мусоидат мекунад.
“Дар сурати амалисозии муваффақонаи лоиҳа Тоҷикистон ба кишвари ҷолиби транзитии роҳи оҳан табдил ёфта, ҳамлу нақли бору маҳсулот бо кишварҳои ҳамсоя зиёд мешавад, ки ин дар навбати худ ҳам барои Тоҷикистон ва ҳам дигар кишварҳои минтақа судманд аст”, - иброз дошт вазир.
Иҷрокунандаи вазифаи сафири Кореяи Ҷанубӣ дар Тоҷикистон Ким Ҷун Сик изҳор намуд, ки татбиқи лоиҳа боз як қадамест ба самти ояндаи пешрафтаи Тоҷикистон. “Ин ба Тоҷикистон имкон медиҳад, ки ба баҳр роҳи баромад пайдо карда, ҳалқаи калидӣ барои ҳамлу нақли байнулмилалӣ шавад”, - гуфт ӯ.
Сафир зикр кард, ки ин аввалин лоиҳаи Кореяи Ҷанубӣ оид ба сохтмони роҳҳои оҳан дар минтақаи Осиёи Марказӣ аст. Ӯ изҳори итимон кард, ки корҳо дар муддати се сол пурра ба анҷом мерасанд.
Дар Вазорати нақлиёт таъкид мекунанд, ки протокол аз рӯи натиҷаҳои якчанд марҳилаҳои гуфтушунид байни ҷонибҳо ба имзо расида, ҳамаи ҷанбаҳои тадорукотиву ҳуқуқии ҷараёни таҳияи заминаи техникиву иқтисодии лоиҳаи сохтмони роҳи оҳани “Ҷалолиддини Балхӣ - Панҷи Поён”-ро танзим мекунад. Арзиши пешбинишудаи таҳияи он 4 млн доллар арзёбӣ мешавад.
Масофаи роҳи оҳан то марзи Афғонистон ҳудуди 51 километрро ташкил медиҳад. Дар ин роҳ сохтмони 28 пул ва 160 низоми обпарто пешбинӣ шудааст.
Ҷашни Истиқлоли давлатии Тоҷикистон муборак!
“Заволи пиряхҳо” – филми мустанад оид ба хатари обшавии пиряхҳои Тоҷикистон
Бидуни журнали анъанавӣ. Дар кадом мактабҳои Душанбе истифодаи журнали электронӣ ҷорӣ шудааст?
Artel. Бузургтарин фабрикаи истеҳсоли техникаи маишӣ чӣ тавр фаъолият мекунад?
Дар Донишгоҳи миллии Тоҷикистон Стипендия ба номи Соҳиб Табаров таъсис дода шуд
Китоби “Тоҷикон”-ро нагирифтед? Аз ҳукуматҳои маҳаллӣ пурсед!
Корхонаи коркарди нафти Данғара шарик ва ашёи хом барои коркард меёбад?
“Аудиокитоб” бо Субҳон Ҷалилов. Маснавии маънавӣ. Ҳикояи “Тарсутар аз тарсу”
Далер Назаров ҷоизаи давлатӣ гирифт
Эмомалӣ Раҳмон бо сафари корӣ ба Суғд меравад. Кадом роҳҳои вилоят баста мешавад?
Кулли ахбор
Авторизуйтесь, пожалуйста