Дар саросари ҷумҳурӣ то охири моҳи октябр 75 дарсади нақшаи даъвати тирамоҳии ҷавонписарон ба сафи Қувваҳои мусаллаҳ иҷро шудааст. Дар ин бора Вазорати мудофиаи Тоҷикистон хабар медиҳад.
Ба гуфтаи манбаъ, давоми як моҳи маъракаи даъват шаҳру ноҳияҳои тобеи ҷумҳурӣ пешсаф буда, ин минтақа то ба ҳол 80 дарсади нақшаи даъватро пурра кардааст.
Вилояти Хатлон то охири моҳи октябр 79 дарсад ва вилияти Суғд 65 дарсади нақшаи даъватро иҷро намудааст.
Дар шаҳри Душанбе бошад, то кунун танҳо ноҳияи Исмоили Сомонӣ нақшаи даъватро пурра ба анҷом расонида, даъвати дигар навоҳии пойтахт ҳамоно идома дорад. То охири мо нақшаи даъвати Душанбе 72 дарсад иҷро шудааст.
“Дар ду даҳрӯзаи аввал ва то охири моҳи октябр шаҳру ноҳияҳои Носир Хусрав, Норак, Левакант, Данғара Дӯстӣ, Роғун ва ноҳияи Исмоили Сомонии пойтахт аз иҷрои пурраи нақшаи пешбинишуда гузориш доданд”, - хабар медиҳад Вазораи мудофиа.
Бояд гуфт, ки дар нахустин рӯзи даъват, шаҳру навоҳии ВМКБ, ноҳияҳои Рашт, Сангвор, Лахш, Нуробод, Тоҷикобод, Вахш ва Фархор аввалин шуда дар ҷумҳурӣ иҷрои нақшаро пурра ба анҷом расонида буданд.
Дар ҳамин ҳол, Вазорати мудофиа таъкид кардааст, “дар он шаҳру ноҳияҳое, ки масъулини ҳукуматҳо ба ин маъракаи муҳими сиёсӣ таваҷҷӯҳи махсус зоҳир намуда, бо мардум ҳамкории зичро ташкилу ба роҳ мемонанд, дар самти чорабиниҳои даъватӣ ва гусели шаҳрвандон ба хизмати ҳатмии ҳарбӣ монеаву мушкилот кам ба назар мерасад”.
“Дар ҳоли ҳозир тибқи оморҳои мавҷуда даъвати тирамоҳии имсолаи шаҳрвандон ба хизмати ҳарбӣ вобаста ба зиёд будани шумораи ҷавонписарони ихтиёрӣ хеле хуб арзёбӣ карда мешавад”, - таъкид шудааст дар хабари Вазорат.
Ин ҳам дар ҳолест, ки дар ин мавсими тирамоҳии даъват ба сафи Қувваҳои мусаллаҳ ҳам хабару наворҳое аз сарбозшикор (облава) шудани ҷавонон расонаӣ гардид.
Ёдовар мешавем, ки маъракаи даъвати тирамоҳии ҷавонони аз 18 то 27-сола ба сафи Қувваҳои Мусаллаҳи Тоҷикистон 1-уми октябр шурӯъ шуда, то 30 ноябр идома меёбад.
94% марзи Тоҷикистону Қирғизистон муайян шуд. Баъди 3 соли баста будан, сарҳади ду кишвар боз мешавад?
Ҷустуҷӯи ҷасади Рӯзигули 13-сола баъди 8 моҳи ғарқшавияш. Масъулин сабаби таъхири кофтуковро шарҳ доданд
Дар шаҳрдории пойтахт чӣ гуна мехоҳанд мушкили ифлосшавии кӯчаҳоро бартараф кунанд?
Вазири маориф: “Волидон ба истифодаи планшету телефон дар мактаб розӣ нашуданд”
“Ҳама иншооти сайёҳиро месанҷанд”. Нигаронии раиси Кумитаи рушди сайёҳӣ аз кам будани шаркатҳои сайёҳӣ
Раҳим Саидзода: Дар Тоҷикистон 2 ҳазору 670 омӯзгор намерасад
Киҳо аз ҳама зиёдтар аз истифодаи барқ қарздоранд?
Имрӯз дар Париж Бозиҳои олимпӣ оғоз мешавад
“Аудиокитоб” бо Субҳон Ҷалилов. Маснавии маънавӣ. Ҳикояи “Фаросати Луқмон”
Агентӣ: Имсол об барои обёрӣ дар Тоҷикистон камбуд намешавад
Кулли ахбор
Авторизуйтесь, пожалуйста