Ба муносибати Рӯзи Конститутсия донишҷӯёни макотиби олии Тоҷикистон ҳам як рӯз истироҳат мекунанд. Дар ин бора аз Вазорати маориф ба “Азия-Плюс” хабар дода, гуфтанд, рӯзи 6-уми ноябр (панҷшанбе) барои донишҷӯён дарс нахоҳад буд.

Ба гуфтаи манбаъ, пас аз Рӯзи Конститутсия дарсҳо мувофиқи ҷадвали муқаррарӣ идома меёбанд.

Аз вазорат гуфтанд, ин қарор ба хонандагони мактабҳои Тоҷикистон рабт надорад,  зеро Рӯзи Конститутсия ба таътили тирамоҳии онҳо рост меояд.

Ёдовар мешавем, ки ба муносибати Рӯзи Конститусияи Тоҷикистон сокинони кишвар чор  рӯз пайиҳам - 6, 7, 8 ва 9-уми ноябр истироҳат мекунанд. Аз Федератсияи мустақили иттифоқҳои касабаи ҷумҳурӣ ба “Азия-Плюс” гуфта буданд, ки “бо мақсади истифодаи оқилонаи рӯзҳои корӣ”, рӯзи шанбе, 1-уми ноябр рӯзи корӣ ва рӯзи ҷумъа, 7-уми ноябр рӯзи истироҳат эълон шудаааст.

Бо ин тартиб, онҳое, ки панҷ рӯзи корӣ дар як ҳафта доранд, метавонанд аз 6-уми ноябр то 9-уми ноябр истироҳат кунанд ва 10-уми ноябр ба кор бароянд. Вале онҳое, ки ҳафтаи шашрӯзаи корӣ доранд, 2 рӯз истироҳат мекунанд ва рӯзи 8-уми ноябр барои онҳо корӣ аст.

Дар Telegram, Facebook ва Instagram бо мо бимонед.