Айни замон оид ба ҷудо шудани грант аз ҷониби Чин барои таъмиру навсозии қитъаи роҳ аз ноҳияи Қалъаи Хумб то сарҳади ноҳияи Рӯшон, гуфтушунид ҷараён дорад, хабар дод ба “Азия-Плюс” муовини аввали вазири нақлиёти Тоҷикистон Суҳроб Мирзозода.
Муовини аввали вазир қайд кард, ки мутахассисони Чин ҷиҳати таҳияи санади асосноккунии техникӣ-иқтисодии ин қитъаи роҳ ба наздикӣ ба Тоҷикистон меоянд.
Бино ба гуфтаи Мирзозода, барои анҷоми корҳои таъмиру навсозии ин қитъаи роҳи масофааш 92 километр 230 млн. доллар маблағ зарур аст.
Ӯ таъкид дошт, ки дар ин қитъаи роҳ сохмтони ду нақб ба нақша гирифта шудааст.
“Бо итминон гуфта метавонам, ки баъди се-чор сол корҳои таъмиру навсозии ин қитъаи роҳ ба итмом расида, он ба меъёрҳои ҷаҳонӣ ҷавобгӯ хоҳад буд”, - иброз дошт муовини аввали вазири нақлиёт.
Ғайр аз ин, қайд кард Мирзозода, оид ба таъмиру навсозии қитъаҳои роҳҳои Ширговад - Дарвоз ва Кӯлоб - Шӯроободи роҳи мошингарди Душанбе -Хоруғ - Қулма аллакай корҳо оғоз шудааст.
Ҳамчунин, ба қавли ӯ, оид ба интихоби ширкати паймонкор барои сохтмони 18 пули нав дар қаламрави ноҳияҳои гуногуни ВМКБ низ корҳо ҷараён доранд.
Илова бар ин, таъкид дошт ӯ, дар қаламрави ВМКБ аз ҳисоби воситаҳои буҷети ҷумҳуриявӣ корҳои таъмир роҳандозӣ шуда, барои дар ҳолати хуби коршоям нигоҳ доштани вазъи роҳҳо техникаи роҳсозӣ харида мешавад.
Қобили зикр аст, ки тӯли солҳои соҳибистиқлолӣ қариб ҳамаи роҳҳо аз маркази ҷумҳурӣ ба минтақаҳо таъмиру навсозӣ шуда, аммо роҳҳои ВМКБ аз маркази маъмурии ноҳияи Дарвоз минбаъд ба дохили ВМКБ дар ҳолати нимахароб боқӣ мондаанд.
Дар ҳамин ҳол, лоиҳаҳо оид ба таъмиру навсозии роҳҳои мошингарди Қалъаи Хумб - Ванҷ (80 км, 238 млн. доллар) ва Ванҷ - Хоруғ (163 км, 200 млн. доллар) муддати тӯлонист, ки байни лоиҳаҳои ояндадори Вазорати нақлиёт боқӣ мемонанд.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Боз 47 зану кӯдаки тоҷикро аз Сурия ба Тоҷикистон баргардониданд
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Кулли ахбор
Авторизуйтесь, пожалуйста